Evit an eil koulzad-mañ e vez kaset gant «Foeterien» 6 den yaouank etre 20 hag 28 bloaz war hent Sant Jakez e Galisia.
Lara, Claire, Ninnog, Tudwal, Dylan hag Howel zo aet kuit gant 50 € en o godelloù evit ober un droiad ouzhpenn 1000 km war droad pe o c’hoari biz-meud. O beaj a gaso anezho diouzh Cabo Prior en hanternoz Galisia da Iliz- Veur Sant Jakez a Gompostella en ur dremen dre Ria Vigo pe Beg Penn ar Bed, Cabo Fistera e yezh ar vro. Debriñ morgizhier, soniñ gant ar gaita, e pep tennad e rankont kemer perzh e c’hoarioù , tremen amprouennoù, diskoulmañ kevrinoù, respont da c’houlennoù a-benn kavet o hent ha dastumm poentoù. Pep noz e rankont kavet bod ha boued evit bezañ yac’h evit tennad an deiz war-lerc’h.