Goulennoù ?
N’em eus ket renevezet ma c’houmanant ha/pe n’em eus ket graet war-dro hizivadenn ma c’hartenn-vank
Da gentañ tout dav eo deoc’h en em gevreañ d’ho kont Breizhvod. Evit bezañ koumanantet en-dro skarzhit hoc’h emezeladur kozh en ho taolenn-stur (memes mard eo war ar statud “nullet”). Gallout a reoc’h en em goumanantiñ en-dro hoc’h heuliañ ar prosezadur boutin. Klikit war al liamm m’ho peus c’hoant muioc’h a ditouroù.
Resevet em eus ur bostel otomatek ha n’em eus ket c’hoant reneveziñ ma c’houmanant
Da gentañ tout dav eo deoc’h en em gevreañ d’ho kont Breizhvod. Evit bezañ koumanantet en-dro skarzhit hoc’h emezeladur kozh en ho taolenn-stur. Klikit war al liamm m’ho peus c’hoant muioc’h a ditouroù.
Ha ret eo din bezañ kennasket ouzh internet evit sellet ouzh ur film e streaming ?
A-benn sellet ouzh ur film e streaming e rankit bezañ kennasket ouzh internet e-pad pellgargañ ar film. Ur wech echu ar frapad pellgargañ n’och ket rediet da chom kennasket ouzh internet a-benn sellet ouzh ur film.
Ma vez gourc’hemennet un DVD ganin, a-benn pegeit e c’hellin degemer anezhi ?
Degemeret e vo ar bladenn video ganeoc’h e korf 2-5 devezh kerkent ha degemeret ho paemant ganeomp. Evit ar gourc’hemenn DVD e c’hellit paeañ dre chekenn war anv “BreizhVod” ha kas anezhi d’ar chomlec’h : BreizhVod – 1 straed ar Baradoz – 29000 KEMPER
Perak e vez goulennet ma chomlec’h a-benn krouiñ ur gont ?
Goulennet vez ho chomlec’h e kenkaz ‘vefe implijet ar gourc’hemenn DVD ganeoc’h. Ne vo ket implijet evit abegoù all avat !
Ha gall’ a ran implij ur film er skol, en-diavaez deus an ti ?
An oberezhioù kinniget war BreizhVOD a c’hell bezañ implijet evit ho tiegezh nemetken. N’oc’h ket aotreet da skignañ ar programoù en-diavaez pa vefe evit abegoù pedagogel pe evit abegoù all. Difennet eo seurt skignadennoù abalamour da velladoù skrivet er C’hod ar Berc’hentiezh Intelektual.
Ma fell deoc’h implij ur program bennak evit skignañ anezhañ er skol, e c’hellit mont e darempred ganeomp avat a-benn kavout un diskoulm.
Ha reizh eo BreizhVOD da-geñver al lezennoù ?
Savet eo bet BreizhVOD en ur zoujañ ouzh al lezennoù. Pep tra zo reizh da-geñver ar gwir.
Penaos paeañ ?
Degemer a reomp un doare da baeañ nemetken : ar paemantoù dre ar rouedad. Ar sistem paemant zo gwarezet gant ar sistem STRIPE.
Degemer a reomp ar chekennoù evit ar gourc’hemenn DVD nemetken pe ar c’houmanantoù bloaziek.
Pet gwech e c’hellan sellet ouzh ur film ?
M’ho peus dibabet da feurmiñ ur film e doare streaming e c’hellot sellet outañ nouspet gwech e-pad 48 eurvezh. Mard oc’h koumanantet da vBreizhvod+, ez eo diouzh ho c’hoant !
Hag an istitloù ?
An darn vrasañ deus an oberezhioù kinniget war BreizhVOD zo kinniget e brezhoneg nemetken hep an istitloù. Evit programoù zo avat e vez kinniget deoc’h un dibab a istitloù galleg pe brezhoneg. Deoc’h da zibab …
Penaos implij an istitloù ?
– Mard eo bet dibabet ganeoc’h feurmiñ ur film (streaming) e rankit klikañ war ar boutonig anvet “cc” ur wech boulc’het lennadenn ar film. Kavout a reot ar boutonig-mañ e traoñ ha war an tu dehoù deus ar fichenn video.
– Evit un DVD eo aesoc’h c’hoazh. Kinniget ‘vo deoc’h an dibab istitloù a-raok kregiñ da sellet ouzh ho film.